Na daoine is leochaileacha á gcosaint le líontáin sábháilteachta shóisialta

Tá 75.8% den daonra ag maireachtáil faoi thairseacha na bochtaineachta.

Tá aeráid chrua i réigiún Karamoja, in OirthuaisceartUganda, triomach agus coinbhleacht rialta. Tá 75.8% den daonra ag maireachtáil faoi thairseacha na bochtaineachta i gcomparáid leis an meán náisiúnta de 24.5%.

Is bean scothaosta ó Karamoja í Lucia Nake, í freagrach as teaghlach d’ochtar lena n-áirítear seachtar dá garpháistí ó aois a ceathair go dtí  seacht mbliana déag. Ó cailleadh a fear bhí an saol níos deacra fós ag an teaghlach a d’fhág nach raibh sé inacmhainne duine ar bith dá garpháistí a chur ar scoil.  

Ach tugadh dóchas di tríd an gclár Deontais Chúnaimh Shóisialta don Chumasú (SAGE) i Karamoja, a dtugann Cúnamh Éireann tacaíocht dó. Tá Lucia ar dhuine de 2,642 a bhfuil 60 bliain slánaithe acu a bhaineann leas as an líontán sábháilteachta seo ina mbíonn aistriú airgid beag ach rialta de €8 in aghaidh na míosa i gceist. Tacaíonn SAGE le daoine scothaosta, le dílleachtaí agus le daoine faoi mhíchumas nach féidir leo obair a dhéanamh chun cuidiú leo a riachtanais bhunaidh a bhaint amach.

Tá píolótú ar an gclár a bhunaigh Cúnamh Éireann, Roinn Forbartha Idirnáisiúnta na RA agus UNICEF, i gcomhpháirtíocht le Rialtas Uganda, á dhéanamh i 14 réigiún in Uganda agus rinne leas breis agus 70,000 duine go dtí seo.